Palanhar payment status check karne ke liye sje.rajasthan.gov.in/Palanhaar_Status.aspx par jayen. Academic year chunen, 10 digit Jan Aadhaar number ya Application ID daalen, captcha fill karen aur Get Status button dabaye. Aapka payment status turant screen par aa jayega.
Palanhar Payment Status Check – Step by Step
Agar aapne Rajasthan Palanhar Yojana mein apply kiya hua hai aur aap janana chahte hain ki payment aayi ya nahi, to iske liye alag kisi daftar jaane ki zaroorat nahi. Sab kuch online check ho jaata hai.
Official portal ka link hai: sje.rajasthan.gov.in/Palanhaar_Status.aspx
Yahan 3 cheezein maangta hai portal:
- Academic Year – jo sal ka status dekhna ho (2016-17 se 2025-26 tak available hai)
- Jan Aadhaar Number ya Application ID – 10 digit Jan Aadhaar number, ya Application ID jaise PALANHAR/2017-18/XXXXXX format mein
- Captcha – jo screen par dikh raha ho, wahi likhna hai (case sensitive hai, dhyan se bharen)
Teen step mein kaam ho jaata hai, Academic year select karo, number dalo, captcha bharo aur Get Status dabao. Screen par payment ki puri detail aa jayegi.
Read our detailed guide on: Palanhar Yojana Rajasthan: Benefits, Eligibility & How to Apply
Payment Pending Kyun Hota Hai? – 4 Common Reasons
Bahut logon ka status check karne par “Pending” dikhta hai. Iske 4 main kaaran hote hain:
1. Renewal nahi hua hai : Har academic session ke shuru mein Palanhar Renewal karna zaroori hai. Agar renewal miss ho gaya, to payment rok di jaati hai.
2. School ya Anganwadi certificate update nahi hua : Bacche ka adhyayan praman patra (bonafide/study certificate) har saal update karna hota hai. Bina iske July wali kist rok sakti hai.
3. Jan Aadhaar mein mismatch : Bacche ya palanahaar ka naam, bank account ya mobile number Jan Aadhaar mein galat hai to DBT payment fail hoti hai.
4. District SJE office mein verification pending : Kuch cases mein district level par verification atak jaati hai. Aise mein district Social Justice & Empowerment office mein seedha sampark karna padta hai.
Palanhar Yojana Renewal – Kaise Karen?
Renewal ek baar karo, fir payment smoothly chalti rehti hai. Renewal ke 2 tarike hain:
Method 1: SSO Portal se Khud Karein
- sso.rajasthan.gov.in par SSO ID aur password se login karein
- Dashboard par SJMS G2C app dhundhen aur open karein
- Palanhar Scheme → Yearly Verification / Renewal option par jayen
- Bacche ka naam select karein, school/anganwadi detail bhar dein
- Adhyayan praman patra (PDF) upload karein aur final submit karein
- Receipt ka screenshot ya printout rakh lein
Method 2: Naazdiki eMitra Kiosk par Jayen
Agar khud online nahi kar sakte to kisi bhi naazdiki eMitra kiosk par jayen. Wahan operator SJMS portal se Jan Aadhaar aur biometric ya OTP ke through renewal process complete kar dega.
Renewal ke liye Zaroori Documents
- Jan Aadhaar card (palanahaar aur bacche ka)
- Bacche ka Aadhaar card
- School ya Anganwadi ka study certificate (current session ka)
- Mobile number jo Jan Aadhaar se linked ho
Palanhar Yojana – Payment Kitni Milti Hai?
Agar aap soch rahe hain ki aapki payment sahi aa rahi hai ya nahi, to yeh amounts check kar lein:
Anath (Orphan) Category:
| Age Group | Monthly Payment |
|---|---|
| 0 to 6 years | ₹1,500 per month |
| 6 to 18 years | ₹2,500 per month |
Other Eligible Categories (HIV/AIDS, disability, widow, etc.):
| Age Group | Monthly Payment |
|---|---|
| 0 to 6 years | ₹500 per month |
| 6 to 18 years | ₹1,000 per month |
Annual additional support: ₹2,000 per year for books, clothing, shoes etc. (Note: Widow aur relative palanahaar cases ke liye yeh ₹2,000 annual amount applicable nahi hota.)
Income limit: Palanahaar ki family income ₹1.20 lakh per year se zyada nahi honi chahiye.
Frequently Asked Questions:
हर नए शैक्षणिक सत्र में Renewal करना आवश्यक होता है।
आप SJE Rajasthan Portal पर Application ID या Jan Aadhaar नंबर से Payment Status चेक कर सकते हैं।
Jan Aadhaar, Aadhaar Card, स्कूल प्रवेश प्रमाण पत्र आदि।
Shala Darpan या eMitra के माध्यम से Verification करवाएं।
बच्चे की आयु और श्रेणी के अनुसार अलग-अलग सहायता राशि दी जाती है।
Haan, jansoochna.rajasthan.gov.in par bhi status dekha ja sakta hai, lekin official payment status ke liye sje.rajasthan.gov.in/Palanhaar_Status.aspx zyada reliable hai.